Cirebon, SDIT Alief Mardhiyah – Thursday, February 27, 2025

Keseleo Omongan

Alhamdulillah, pak Haji iku demen e sholat ning mushalla, sebisa mungkin sholat ning mushalla ari sholat wajib 5 waktu. Sekiyen musim udan, ya kadang nggawo payung lunga e ning mushalla. Ari alat transportasi, pak Haji iku paling demen numpak pit ontel sing bahan bahan bakar e sego bae.

Ari jarak e bli ado, kayo misal e sing omah pak Haji ning blok Tonggo Kaliwulu apan lunga ning TK IT Alief Mardhiyah, Siabang, yo numpak pit bae. Bagen nganggo clano rapi, klambi bagus, kadang – kadang nganggo dasi kayo wong kerjo ning Bank, yo numpak pit doyok bae. Wis, bli usah isin lah, yen dideleng karo uwong – uwong ning ndalan. Othel – othel – othel, konon, ambir badan sehat.

Merga e mushalla SD IT Alief Mardhiyah lagi dibangun dadi masjid, dadi mushalla e bli biso dienggo sholat maning. Akhir e pak Haji, pindah shalat e ning mushalla e Kiai Amin, ning blok Kendal, Kaliwulu. Lumayan ado, sing omah pak Haji, ari numpak pit, ya sekitar 5 menitan. Kiai Amin iku masih sedulur parek pak Haji, beliau alumni Pondok Pesantren Tebu Ireng, Kediri. Rasa e nyaman lan tenang sholat diimami Kiai Amin.

Suatu waktu, pas apan sholat duhur, pak Haji numpak pit alon – alon, lunga ning mushalla Kiai Amin. Cuacanya pas panas – panas e, mendung apan udan. Lha pas ning ndalan, parek e mushalla Kiai Dullah, blok Tonggo, ketemu karo bu RT. Dudu pak Haji, ari bli nyapo wong sing ketemu ning ndalan.

“Lha, bu RT, alhamdulillah, biso ketemu ning ndalan, yo!” sapa pak Haji ke bu RT sing apan sholat duhur ning mushalla e Kiai Dullah. Pak Haji ku kadang seneng moregan alias guyon. “Ayo, bu RT, BENCONG pit kito tho, ambir cepet!” nyapo pak Haji ning bu RT setengah moregan. “Masya Allah, masa iya, pak Haji ngundang kito BENCONG, bli bener ahh!” jawab bu RT rado cemberut rai e. Ohhh aalahhh, pak Haji sadar ari ngomong salah, “Maaf, pisan bu RT, maksud e kita BECONG pit e kito, dudu BENCONG, duhh salah ngomong kita e!”. Pak Haji akhir e nganndeg nong sepeda e minta maaf maning ning bu RT.

Sampe kiyen gan, pak Haji ku masih terus belajar bahasa Cirebonan. Maklum pak Haji ku sebener e numpang lahir bae ning Kaliwulu. Sejak usia bayi 3 bulan sampe lulus SMA, pak Haji tinggal urip e ning Magelang, Jawa Tengah. Ikut mamo kerja ning Akademi Militer, Magelang. Ya, maklum bae masih salah – salah ari ngomong Cirebonan ku. Maka e akeh wong Cirebon, bli percayo, ari pak Haji iku asli Cirebon. Lha, logat ngomong e, iku logat e wong wetan!.